SOUTH EAST ASIA-LATIN AMÉRICA TRADE CENTER YA INAUGURA EN BANGKOK
El Secretario-General del Asociacion del Países de Sur Oriental Asia o Association of Southeast Asian Nations (ASEAN), Surin Pitsuwan, ya dale un mensaje de futuro del ASEAN y Latinoamerica en el Nuevo Mundo.
Escribe: Frencie CARREÓN
En la primera día, el presidente del UTCC (University of Thai Chamber of Trade and Commerce) Chiradet Ousawat, el mismo ya recivi el participantes desde comunidades de negocio y diplomático.
En su declaracion, ya dale información si director Filemón A. Uriarte acerca de nivel del comercio entre países de Latinoamérica y del miembro países de ASEAN (1.54% de todo comercio del ASEAN en 2007), cadena del acuerdos del limbrecambio (free trade agreements) en Pacífico que ya puede ya principia o ya puede ya negocia (como el Brunei Darussalam junto con el Chile, Malaysia con Chile, Singapore con Panamá, Perú con Chile, Thailand con Perú).
Tarifa que ya pega el Latinoamérica y países de ASEAN para con el productos de agricultura y non-agricultura, y precio comparando para con el enviada del efectos desde países de Latinoamérica para na destinaciones en ASEAN.
Si director Uriarte tambien ya habla que el ASEAN Foundation y el Inter-American Development Bank (Banco Interamericano de Desarrollo, nombre original en español) hay hace un serie del tres actividades en 2009 y 2010 en Jakarta y Manila para fomentar el comercio y inversiones entremedias del ASEAN y Latinoamérica.
El SEA-LAC Center un colaboración del UTCC y el IDB (BID, en español) para realzar el iniciativos de comercio y inversión al través de dos regiones (aresprensa.com).
Visitas acumuladas para esta nota: 00651
| 
Editor: Néstor Patricio Díaz Videla 
